Word to Parents

കുട്ടിയുടെ വിദ്യാഭ്യാസ പുരോഗതിക്ക് ക്രമമായ പഠനം ആവശ്യം ആയതുകൊണ്ട് വീട്ടില്‍ ഇരുന്നുള്ള പഠന സമയത്തിനും പഠനരീതിയും വളരെയധികം പ്രാധാന്യമുണ്ട്. നമ്മുടെ കുട്ടികള്‍ എല്ലാ ദിവസവും വീടുകളില്‍ മൂന്ന് മണിക്കൂര്‍ ഉറക്കെ വായിച്ചു പഠിക്കുന്ന രീതി ചിട്ടയായ ഫോളോഅപ്പിലൂടെ വര്‍ഷങ്ങളായി ഞങ്ങള്‍ നടപ്പിലാക്കുന്നു. പഠിച്ച ഭാഗങ്ങള്‍ വിലയിരുത്താന്‍ എല്ലാ ദിവസവും മുടങ്ങാതെ നടക്കുന്ന പരീക്ഷകള്‍, കുട്ടികളുടെ പരീക്ഷ പേടി മാറ്റുകയും സമയബന്ധിതമായി പരീക്ഷ എഴുതാനുള്ള കഴിവ് വര്‍ധിപ്പിക്കുകയും ചെയ്യുന്നു. പരീക്ഷാ മാര്‍ക്കുകള്‍ ക്രോഡീകരിച്ച് മാസാവസാനം തരുന്ന പ്രോഗ്രസ് കാര്‍ഡ് കുട്ടിയുടെ പഠന നിലവാരത്തിന്‍റെ കൃത്യമായ വിലയിരുത്തലാണ്. പാഠ്യേതര മേഖലകളിലെ കഴിവുകള്‍ പരിപോഷിപ്പിക്കാന്‍ വിവിധങ്ങളായ ക്ലബ്ബുകള്‍ ആവിഷ്കരിച്ച് കുട്ടികളുടെ സജീവമായ പങ്കാളിത്തം ഉറപ്പു വരുത്തുന്നുണ്ട്. അക്കാദമിക് മികവ് മാത്രം മികവിന് അളവുകോല്‍ ആകാതെ, കുട്ടികളുടെ സര്‍ഗ്ഗാത്മകതയും സൃഷ്ടി പരമായ കഴിവുകളും വളര്‍ത്തിയെടുക്കാന്‍ ഈ ക്ലബ്ബുകള്‍ സഹായിക്കുന്നു. അതിലൂടെ സാമൂഹികപ്രതിബദ്ധതയും മൂല്യബോധമുള്ള ഒരു തലമുറയെ വാര്‍ത്തെടുക്കാന്‍ നമുക്ക് കൈകോര്‍ക്കാം.